◇ 東方新地140期封面故事-直擊8月新娘
直擊8月新娘
萬綺雯變肥膩住家菜
撰文：聶小茜、陸宜、麥子、Cynthia 攝影：黃志業、蘇忠、當奴 5-8-2000
沐浴愛河中的女人理應最美，然而萬綺雯 (蚊蚊 )偏偏愈來愈肥，
宣布於本月與編劇男友陳十三共諧連理後，蚊蚊體重急劇暴升，
由從前身材弗到漏油到現在變成幸福肥師奶，陳十三的吸引力果然非同小可。
自上月初「三蚊戀」被踢爆後，蚊蚊宣布於 8月赴美閃電結婚，
並與「亞視藝員」林志豪告別同居生活，閃電和未婚夫陳十三共築愛巢，
入住元朗過千呎豪宅加州花園。
拍拖僅 4個月的「三蚊戀」，婚期將至甜蜜蜜，難怪蚊蚊體重不斷飆升，
除了腰圍暴增之外，就連從前一對修長美腿也漸漸走樣，驟眼看，
令人懷疑她有了身孕。 不過蚊蚊並沒有因為身材走樣而煩惱，
反而對刻下的師奶生活頗感滿意；以往愛蒲的蚊蚊已修心養性，
一心留在家中照顧未婚夫，平日只逛超級市場及到街市買菜煮飯，
一副典型家庭主婦模樣。
本月2日下午，本刊直擊「三蚊戀」甜蜜蜜的幸褔同居生活，
二人先於九龍塘又一城逛街，鬧市中當眾親熱，旁若無人；
情到濃時蚊蚊主動與未婚夫咀對咀，途人為之側目。
之後二人大包細包返回元朗愛巢，換過睡衣，蚊蚊便親自下廚煮其住家菜，
一起撐腳。
萬綺雯：結婚唔係因為有BB
記者致電萬綺雯，電話傳來蚊蚊愉快的聲音：「我今個月尾就結婚，
不過唔會大事鋪張，到時我同老公 (陳十三 )會飛去美國旅行結婚，
順便同屋企人一齊去旅行、放下假。」蚊蚊一副待嫁的幸福心情，
難怪最近明顯心廣體胖，甚至有傳她未婚先懷孕，她笑笑口解釋道：
「之前的確肥左好多，但最近已經瘦番啦，肥都唔代表有 BB，
我梗係未有啦！你唔好亂講，我結婚返仲有戲要拍，有點開工呀？
（如果有『意外』呢？會唔會奉子成婚？）我同老公都就要結婚，
都冇話奉唔奉子成婚啦，總之我結婚一定唔係因為有BB囉！」
承認預支蜜月
談到兩人正式共賦同居，蚊蚊甜蜜蜜地說：「係呀，我半個月前搬入加州花園，
咁結婚梗係一齊住啦！老公知道我鍾意花花草草，呢度地方寬敞、又夠清靜，
咪搬入囉！我一齊住之後，相處得好開心，老公好錫我，佢對我唔好，
我都唔嫁佢啦！」
早前蚊蚊一直與林志豪「同居」，現在她結婚在即，林志豪亦早已搬離舊居。
「以前志豪未申請到工作證，唔敢貿貿然自己租地方住，我同佢咁老友，
當時我又係單身，招呼佢返屋企住都冇所謂，時搞到人人以為我有路添！
但係 3個月前佢終於有工作證，可以合法香港居留，早兩個月佢已經搵到地方搬，
老公一早就識佢，亦知道我兩之間事，所以唔會誤會我！」
未婚夫陳十三年薪百萬
陳十三原名陳耀輝，三十歲，因為人生有十三件事想做，所以取名陳十三。
90年他於演藝學院畢業，與梁榮忠、關寶慧等人十分熟絡，
94年加入亞視當編審，鑑於他才華橫溢，以至職位三級跳，
由一個小編審跳升至助理創作主任，「我和殭屍有個約會」一、二集；
「影城大亨」及「九七變色龍」都是出自陳十三的手筆。
其後陳十三得到王晶賞識，以年薪百萬簽約旗下公司，
而王晶最近一部電影「鐵拳」，十三亦有份參與。
三個男人同居愛巢大比併
蚊蚊出道至今，緋聞不絕，雖然身邊出現的男士眾多，
但曾與她同一屋簷下的只有 3位，包括未婚夫陳十三、
知己關係的林志豪及前度男友甄子丹。
年分： 1995-99
同居對象：甄子丹
地點：馬鞍山雅典居 1,068呎
租金： $22,000
年分： 10/1999
同居對象：林志豪
地點：西貢下洋村屋 700呎，三樓連天台。
租金：約 8,000
年分： 7/2000
同居對象：陳十三
地點：加州花園爵仕居兩層連天台 1,700尺，兩個車位連花園。
租金： $16,000（包管理費、差餉）
殭屍特區 (2)