萬種風情皆綺雯--綺雯閣

馬小玲日記(十二) 28-06-2000

二零零零年十一月廿二日
到處仍然是冷清清,渺無人煙,大地一片孤寂!
我發現一則新聞,大底我已經知道自己身在何處!
估唔到二零零一年,一月四日之後,人類始終都係避無可避,走向滅亡之路!
咁“殭屍”呢?乜殭屍唔係不老不死的嗎?
我有一種信念,況天佑係未死的,我一定要搵到他.

二零零零年十一月廿二日
又再一次來到相同的地方,仍然係一個人都無,好孤清,好冷!
但我是不會放棄的!
不其然地,一次一又次走到天佑的家,
我發現好多我過去忽略了的事,
就好似原來天佑對足球是無興趣的……
~~叮噹~~
小玲打開門:“乜係你呀,我無心情,得閑再搵你…”
天佑:“我只係想比樣野你.”
小玲:“有乜野好比呀,死殭屍!”
天佑:“昨晚夜深的足球比賽,我錄起了.聽正中講,你昨晚要去收鬼,唔得閑睇.”
小玲開心地說:“真的……你有咁好死?”
天佑:“唔好估錯,我只係咁巧合錄起了,你鍾意就要…”
小玲:“乜唔要呀……”
正中:“師夫,你做緊乜呀……撞鬼囉,你織手繩呀?”
小玲:“關你鬼事呀?做野啦,你好得閑呀.”
正中:“唔得閑,我點會得閑呀,起碼我都無時間織手繩……
      哎呀,得啦得啦,我唔再講啦,師夫,唔好再打我呀!……”
小玲:“珍珍,你煲緊乜呀?”
珍珍:“花生雞腳湯.天佑最近好忙,捉了好多賊,我驚佢要成日跑來跑去,
      所以煲雞腳湯比佢,以形保形.”
小玲:“洗鬼對個死差佬咁好,計我話煲豬心雞肺湯比佢,
      醫下佢的狠心狗肺,……都係等我幫下你手啦,係唔係要落鹽呀.”
珍珍:“小玲,唔好呀,你落錯啦,你落的是糖唔係鹽”
小玲:“Sorry呀,真係食野唔做野,都係等你整返啦……”
人總是在失去了,才會珍惜過去所擁有的事物,
我唔可以氣餒,因為我還有一個最後的機會.

二零零零年十一月廿四日
空氣越來越小,我的呼吸亦都越來越急速.如果現在話我知DKNY有五折,
我睇我都無力氣去shopping呀.
我好似見到天佑,定係幻像呢?人地話,當一個人將快死亡時,
就會見到自己最親,又或者係最愛的人.

二零零零年十一月廿五日
我實在唔想天佑見到我現在的樣子,我知道他會好傷心,
我更唔想見到他處於兩難之間,因為我實在快支持唔住了.
我叫MiMi將我的血交比天佑,就當是我為他準備的最後一份禮物!

二零零零年十一月廿六日
真係意想不到,我馬小玲會躺在一隻殭屍的肩膀上等死!
天佑一直都無出聲,只係緊緊地抱著我.
估唔到,殭屍是有心跳的.靜聽著天佑的心,
的噠,的噠,就好似秒針一樣,催促著時候快要飛逝.
我不知道下一分鐘會發生乜野事,只係希望現在這一刻,
能夠緊緊地留在天佑的身邊.
天佑問我:“如果妳唔想我咬妳,妳說一句話便行了.”
我的確唔想去答這一個問題,作為一個馬家傳人,
我實在無面為了自己而變成殭屍.
作為一個況天佑的女人,我願意聽從他所講的一切,就算是不老不死,
只要是最愛的人在身邊,我甘願接受這種命運.
在隱約之間,我聽到天佑所唱的歌……
願思念是並沒盡頭,沒有依附現在過去或以後
即使這驅瞉有一朝化盡塵垢,仍能跟你纏綿於宇宙
霓虹上有雪,酒得多撇脫,像向天地萬物作最後告別,
分不清季節, 這冰冷四月,眼前的世界景色凄迷決絕.
抓一把細雪,放於手灼熱,但願不再怕北風深寒刺裂.
深深的愛過,永不會泯滅,過渡千世百劫都不能間斷.
悲傷不要說,太匆匆歲月,現在應與你相戀的人吻別.
分不清季節,這冰冷四月,我們不要說再見,隨世界破滅.
講真,天佑唱歌真係好難聽,我唔知他點解會識唱這一首歌,
但我卻有種好幸福的感覺.真的,真是一種好幸福的感覺!
就算下一分鐘會變成點都好,我只在乎現在這一刻的況天佑.

二零零零年十一月卅日
人地話大難不死,必有後福!但自死裏逃生之後,發現眼前的事,
已經演變至如此地部,真是令人心灰意冷.
聽完姑婆講關於“馬靈兒和況中棠”的故事之後,
明白到馬家的女人點解唔可以喊.真係多得他們了!
如果沒有了馬靈兒,可能馬家歷代的女人,
都不用強迫自己做一個無血無淚的人!
但如果無前世的馬靈兒,又豈有今世的馬小玲呢!